رابی پیزادہ نے حمد ریکارڈ کرا دی

Last Updated On 21 May,2018 08:42 pm

لاہور(کلچرل رپورٹر )نامورگلوکارہ رابی پیرزادہ نے حمد "میری توبہ میری توبہ" اپنی آوازمیں ریکارڈ کر لی جس کی ویڈیو انہوں نے سوشل میڈیا پر ریلیز کر دی ہے جس کے پروڈیوسر انعم یوسف اور ڈائریکٹر شمائل گل ہیں ۔

گلوکارہ کا کہنا تھا کہ یہ میرے کیرئیرکی پہلی حمد ہے جس کا آڈیو اور ویڈیو ریلیز کیا ہے، مجھے بہت خوشی ہوئی ہے کہ ہزاروں کی تعداد میں لوگوں نے اسے پسند کیا ہے۔ میری کوشش ہو گی کہ میں آئندہ بھی نعتوں اور حمد کی ویڈیوز ریلیز کروں۔ رابی پیرزادہ کا کہنا تھا کہ عیدالفطر کے بعد میری ایک فلم شور شرابا نمائش کے لئے پیش کی جائے گی جس کی تیاریاں مکمل ہیں ۔ سہیل خان پروڈکشن کے تحت تیار ہونے والی فلم میں میرا مرکزی کردار ہے۔