سپین: (دنیا نیوز) سپینش فٹبال لیگ کے میچ میں بارسلونا کی ٹیم نے ریال سوسیڈاڈ کو دلچسپ کھیل کے بعد ایک صفر سے ہرا دیا ہے۔
سپینش لیگ کے میچ میں بارسلونا اور ریال سوسیڈاڈ کے درمیان دلچسپ مقابلہ ہوا، دونوں ٹیموں نے کھیل کے آغاز سے ہی ایک دوسرے کی گول پوسٹ پر خوب حملے کیے، تاہم پہلے ہاف تک کوئی بھی ٹیم گول نہ کر سکی۔ میچ کے 57ویں منٹ میں بارسلونا کی جانب سے فلِپ نے گیند کو جال میں پہنچا کر اپنی ٹیم کی برتری ایک صفر کر دی، پہلے گول کے بعد کوئی بھی ٹیم بھرپور کوشش کے باوجود گول نہ کر سکی۔
میچ کے اختتام کے ساتھ بارسلونا کے سٹار کھلاڑی آندرے انیستا کا کیریئر بھی ختم ہو گیا، ساتھی پلیئرز نے گلے لگا کر انہیں الوادع کیا۔
