ممبئی(ویب ڈیسک) بالی ووڈ فلم ’’سنجو‘‘ کے ٹریلر نے ریلیز ہوتے ہی دھوم مچادی ہے ، فلم کے ٹریلر میں رنبیر کپور کی اداکاری کو خوب سراہا جارہا ہے۔
سنجے دت کی زندگی پرمبنی فلم کو دیکھنے کیلئے ان کے مداح بے چین نظر آ رہے ہیں۔ رپورٹس کے مطابق فلم کیلئے رنبیر کپورنے بے انتہا محنت کی ہے جو فلم کے ٹریلرمیں صاف نظر آ رہی ہے تاہم فلم میں فنکاروں نے اپنے اپنے کردار ادا کرنے کیلئے اچھا خاصا معاوضہ بھی وصول کیا ہے۔ سنجے دت کا مرکزی کردار ادا کرنیوالے رنبیر کپور نے اپنے کردار کیلئے 25 کروڑ کا معاوضہ وصول کیا جو بالی ووڈ نگری میں اچھا معاوضہ تصور کیا جاتا ہے۔
.jpg)
سنجے دت کے والد سنیل دت کا کردارادا کرنیوالے پاریش راول نے 2 سے 3 کروڑ کا معاوضہ وصول کیا۔
سنجے دت کی والدہ نرگس کا کردار ادا کرنیوالی منیشا کوئرالہ نے 3 کروڑ روپے وصول کئے، سنجے دت کی اہلیہ مانیتا دت کا کردارادا کرنیوالی دیا مرزا نے بھی 3 کروڑ وصول کئے۔
ٹی وی اداکارہ کرشمہ تنا جو مادھوری ڈکشٹ کا کردار نبھا رہی ہیں انہوں نے ایک کروڑ روپے وصول کئے۔ سونم کپور،سنجے دت کیساتھ پہلی فلم میں کوسٹاربننے والی اداکارہ ٹینا منیم کے کردار میں نظر آئیں گی جس کیلئے انہوں نے 5 سے 6 کروڑکا معاوضہ لیا۔
بالی ووڈ کی ورسٹائل اداکارہ تبو کا فلم میں چند منٹوں کیلئے چھوٹا سا کردارہے جس کیلئے انہوں نے 60 لاکھ معاوضہ وصول کیا ہے۔ واضح رہے کہ سنجے دت کی زندگی پربننے والی فلم 29 جون کو سینما گھروں کی زینت بنے گی۔
