ممبئی: (ویب ڈیسک) بالی وڈ اداکار ہریتک روشن کے کنگنا رناوت کے ساتھ سکینڈل کی سیاہی خشک نہیں ہوئی تھی کہ دیشا پٹانی کے ساتھ منفی رویئے کا ایک اور سکینڈل زبان زدعام ہو گیا.
ہریتک روشن ابھی ایک تنازع سے باہر نکلے ہی تھے کہ دوسرے تنازع کا شکار ہوگئے۔ بھارتی میڈیا میں افواہیں گردش کررہی ہیں کہ ہریتک روشن اور فلم’’باغی2‘‘ کی مرکزی اداکارہ دیشا پٹانی یش راج بینر تلے بننے والی فلم میں ایک ساتھ کام کر رہے تھے جہاں ہریتک نے اداکارہ کے ساتھ فلم کے سیٹ پر نزدیکیاں بڑھانے کی کوشش کی۔ ہریتک روشن کے نامناسب رویے کے باعث دیشا نے فلم سے کنارہ کشی اختیار کرلی۔
میڈیا رپورٹس کے مطابق اداکارہ دیشا پٹانی نے میڈیا میں گردش کرنے والی ان افواہوں کی تردید کرتے ہوئے کہا ہے کہ ہریتک روشن بہت ہی باوقار اورخوش رہنے والے انسان ہیں۔ دوسری جانب ہریتک روشن نے ان کے خلاف افواہیں پھیلانے والے صحافی کو کھری کھری سناتے ہوئے کہا ہے کہ آپ جم جوائن کرلیں تاکہ ورزش کرنے سے آپ کے دماغ میں موجود کچرا صاف ہوجائے.
