وینس (دنیا نیوز ) وینس فلمی میلے کے لئے ریڈ کارپٹ بچھ گیا، ستاروں نے منفرد ملبوسات زیبِ تن کر کے واک کی، مداح ان کی ایک جھلک دیکھنے کے لیے بے تاب نظر آئے۔
75 ویں وینس فلم میلے میں ستاروں کی آمد سے ریڈ کارپٹ پر بہار آ گئی، مداح ان کی جھلک دیکھنے ان سے آٹو گراف لینے اور سیلفی بنوانے کے لیے ایک دوسرے پر سبقت لے جاتے نظر آئے۔ اس موقع پر جیوری کے ڈائریکٹر گیلرمو ڈیل تورو نے اپنے ایک مداح کو آٹو گراف دیا اور سیلفی بنوانے کے ساتھ ساتھ گلے بھی لگا لیا۔
فلم لالالینڈ" سے شہرت کی بلندیوں کو چھونے والے ہیرو ریان گوسلنگ نے اداکارہ کلیر فوئے کے ساتھ تصاویر بنوائیں، ریڈ کارپٹ پر معذور ماڈلز نے بھی شرکت کی اور لوگوں کی توجہ کا مرکز بنیں۔ اس بار میلے میں 21 فلموں کے درمیان مقابلہ ہے، یہ فلمی میلہ کون جیتے گا اس کا فیصلہ میلے کے آخری روز 9 ستمبر کو ہو گا۔
