ممبئی: (ویب ڈیسک) اداکارسلمان خان کا کہنا ہے کہ اداکارہ پریانکا چوپڑا نے فلم ’بھارت‘ سے اس لیے کنارہ کشی اختیار کی کیونکہ وہ بالی وڈ کی بجائے صرف ہالی وڈ میں کام کرنا چاہتی ہیں۔
پریانکا چوپڑا نے کچھ عرصہ قبل فلم ’بھارت‘ سے اچانک کنارہ کشی اختیار کرلی تھی۔ جس پر سب سے زیادہ تکلیف سلمان خان کو ہوئی اور وہ ان سے ناراض بھی ہوئے۔
حال ہی میں بھارتی میڈیا کو انٹرویو دیتے ہوئے سلمان نے بتایا میں نے پریانکا سےفلم چھوڑنے سے متعلق پوچھا اگر آپ منگنی کر رہی ہیں تو آپ کو فلم چھوڑنے کی کیا ضرورت ہے؟ جس پر پریانکا نے کہا مجھے شادی کرنی ہے تو میں نے کہا کرلو شادی۔ سلمان خان نے کہا پریانکا چوپڑا نے فلم منگنی یا شادی کی وجہ سے نہیں چھوڑی بلکہ وہ میرے ساتھ اور ہماری بالی وڈ انڈسٹری میں کام کرنا نہیں چاہتیں، وہ صرف ہالی وڈ میں کام کرنا چاہتی ہیں۔
سلو میاں نے پریانکا کو کامیابی کی دعا دیتے ہوئے کہا کہ پریانکا جو کرنا چاہتی ہیں کریں، میں خوش ہوں کہ انہوں نے منگنی کی اور اپنی زندگی میں خوش رہیں۔
