لاہور: (ویب ڈیسک)ملک میں بڑھتے ہوئے کورونا وائرس کے کیسز کے بعد اس جنگ میں فرنٹ لائن پر لڑنے والے ڈاکٹرز اور پیرا میڈیکل سٹاف کو پاکستانی گلوکار جواد احمد نے خراج تحسین پیش کیا۔
تفصیلات کے مطابق چین سے جنم لینے والے کورونا وائرس نے ہر ملک کو اپنی لپیٹ میں لے لیا ہے، اس وقت اس بیماری کے باعث ہزاروں لوگ مہلک وباء کے باعث زندگی کی بازی ہار گئے ہیں۔ وائرس کو ختم کرنے کے لیے فرنٹ لائن پر کام کرنے والے ڈاکٹرز اور پیرا میڈیکل سٹاف متاثرہ مریضوں کے علاج کے لیے اپنا آپ بُھلا بیٹھے ہیں۔
جہاں ملک بھر میں لاک ڈاؤن ہے وہیں یہ ڈاکٹرز اور پیرا میڈیکل سٹاف اپنی جان کا سوچے بغیر ان مریضوں کا علاج اور دیکھ بھال کرنے میں مصروف ہیں جو کورونا وائرس کا شکار ہیں۔
“تم مسیحاہواس قوم کے
— Jawad Ahmad (@jawadahmadone) March 24, 2020
ہمیں تم سے پیار ہے”۔
اس مشکل گھڑی میں پاکستان کےڈاکٹرز، پیرا میڈکس، نرسزاور شعبہ صحت میں کام کرنےوالےتمام لوگوں کےحوصلےاورجرات کومیرااوراس قوم کاسلام۔
آئیےاس جمعہ کےدن ہم سب کروناسےلڑنےوالےان بہادرسپاہیوں سےاظہاریکجہتی کےلیےاپنےگھروں کےاوپرسفیدجھنڈالہرائیں۔ pic.twitter.com/nnpOHqd0vs
سماجی رابطے کی ویب سائٹ ٹویٹر پر پاکستانی گلوکار جواد احمد نے ویڈیو شیئر کی، اس ویڈیو میں ڈاکٹروں اور پیرا میڈیکل سٹاف کو خراجِ تحسین پیش کرتے ہوئے “تم مسیحا ہو اس قوم کے، ہمیں تم سے پیار ہے” گیت گایا ۔
جواد احمد کا مزید کہنا تھا کہ اس مشکل گھڑی میں پاکستان کے ڈاکٹرز، پیرا میڈکس، نرسز اور شعبہ صحت میں کام کرنے والے تمام لوگوں کے حوصلے اور جرات کو میرا اور اس قوم کا سلام۔
گلوکار نے اپنا گیت کورونا سے لڑنے والے ان بہادر سپاہیوں سے اظہاریکجہتی کے لیے گایا ہے۔
