لاس اینجلس: (روزنامہ دنیا) ہالی وڈ کی خوبرو اداکارہ میگن فاکس نے کہا کہ ان کے کیریئر کی ابتدا میں ان کو نہ صرف بدسلوکی کا نشانہ بنایا گیا بلکہ ان کو ایک جنسی رغبت کی شے کے طور پیش کیا گیا۔
میڈیا رپورٹ کے مطبق اپنے دل کا حال کھولتے ہوئے اداکارہ میگن نے کہا کہ ہالی وڈ کی عورت کُش اور بے رحم انڈسٹری میں ان کو بھی کیریئر کی ابتدا میں بدسلوکی کا نشانہ بنایا جاتا رہا،ان کی تضحیک کی جاتی تھی اور ان کو جان بوجھ کر ایک ایسی اداکارہ کے طور پیش کیا گیا جو صرف اپنے جسم کی نمائش کرنا جانتی ہے۔ انہوں نے کہا کہ یہ سفر بہت طویل اور کٹھن تھا۔
واضح رہے امریکہ میں می ٹو مہم اسی لئے شروع کی گئی تھی جہاں انڈسٹری سے متعلق مرد، اداکاروں کو جنسی نمائش کی راہ پر ڈال کر پھر جنسی زیادتی کا نشانہ بنا ڈالتے تھے، ہالی وڈ اداکاراوں نے می ٹو مہم میں ایسے ہی انسان نما بھیڑیوں کو بے نقاب کیا تھا کہ ہالی وڈ انڈسٹری میں خواتین کو صرف جنسی رغبت دلانے والی خواتین کے طور پر ہی پیش کرنے کی حوصلہ شکنی کی جائے جو بالآخر جنسی زیادتی کی راہ کی جانب پیش قدمی ہوتی ہے۔
