لاس اینجلس: (روزنامہ دنیا) امریکی پاپ گلوکارہ لیڈی گاگا نے ایک سماجی تنظیم کیساتھ مل کر کورونا وائرس سے نمٹنے کیلئے فنڈ جمع کرنے کی خاطر ٹی وی پروگرام کرنے کا اعلان کر دیا۔
میڈیا رپورٹ کے مطابق گلوکارہ پہلے ہی سماجی تنظیم کے ساتھ مل کر 3 کروڑ ڈالرزکے فنڈز جمع کر چکی ہیں، اب وہ مزید فنڈز کیلئے کئی گھنٹوں تک طویل میوزیکل انٹرٹینمنٹ ٹی وی پروگرام ٹوگیدر ایٹ ہوم کریں گی۔
دوسری طرف امریکی گلوکارہ لیڈی گاگا نے اپنے حالیہ انٹرویو میں بتایا کہ وہ آج کل مائیکل پلونسکی کے ساتھ آئسولیشن میں ہیں اور وہ ان کے ساتھ شادی کرنے کی خواہش مند ہیں۔
