لاس اینجلس: (روزنامہ دنیا) برطانوی شہزادہ ہیری کی اہلیہ میگھن مارکل کس فلم سے شوبز انڈسٹری میں کم بیک کریں گی، فلم کا نام سامنے آ گیا، اداکارہ فلم میں نظر تو نہیں آئیں گی صرف اپنی آواز کا جادو جگائیں گی۔
میڈیا رپورٹ کے مطابق برطانوی شہزادہ ہیری اور ان کی اہلیہ میگھن مارکل نے 9 جنوری کو شاہی حیثیت سے دستبرداری کا اعلان کیا تھا جس کے بعد یہ خبریں سامنے آئی تھی کہ میگھن ایک فلم کے ساتھ شوبز میں واپسی کریں گی اور اب اس فلم کا نام بھی منظر عام پر آ گیا۔
میگھن مارکل ڈزنی کی ڈاکومنٹری ’’ایلی فینٹس‘‘ کے ساتھ شوبز میں کم بیک کریں گی تاہم اداکارہ اس ڈاکومنٹری میں کوئی کردار ادا نہیں کریں گی بلکہ ہاتھیوں پر مبنی اس ڈاکومنٹری کو میگھن مارکل صرف اپنی آواز دیں گی۔ فلم ساز ادارے نے 3اپریل کو فلم ریلیز کرنے کا اعلان کر دیا۔
