لاہور: (ویب ڈیسک ) شہر قائد میں ہونے والی بارش کے بعد ہونے والی صورتحال دیکھ کر ملکی شوبز انڈسٹری کے اداکار پریشان ہو گئے جس کے بعد مداحوں کو محفوظ رہنے کی تلقین کرنے لگے۔
تفصیلات کے مطابق سندھ کے مختلف اضلاع میں رواں سال مون سون سیزن اپنے جوبن پر ہے اور نیا سپیل کراچی سمیت دیگر اضلاع میں آج (جمعرات کو) صبح سے بارش برسا رہا ہے جسکی وجہ سے شہریوں کی مشکلات تھمتی نظر نہیں آرہیں۔
کراچی میں صبح سے ہی صدر، ملیر، ڈیفنس، بلدیہ ٹاؤن، پی ای ایس ایچ، سکیم 33، کلفٹن، شارع فیصل، لانڈھی، گلشن اقبال، فیڈرل بی ایریا، ماڈل کالونی، گارڈن، کورنگی سمیت دیگر علاقوں میں طوفانی بارش کا سلسلہ جاری ہے۔ اتنی شدید بارش کے باعث نظام زندگی معطل ہے جبکہ وزیراعلیٰ سندھ سیّد مراد علی شاہ بھی بارش کو ’ڈیزاسٹر‘ قرار دے رہے ہیں۔
Ya ALLAH TU HUMPAR REHAM KAR! pic.twitter.com/ZDGZ4hvPrY
— Ayeza Khan (@Ayezakhan_ak) August 27, 2020
اداکارہ عائزہ خان نے سماجی رابطے کی ویب سائٹ ٹویٹر اکاؤنٹ پر زیادہ بارشوں کے دوران پڑھی جانے والی دعائیں شیئر کرتے ہوئے لکھا کہ یا اللہ ہم پر رحم فرما۔
یہ بھی پڑھیں: کراچی: تیز بارش نے شہر کو پھر ڈبو دیا، نشیبی علاقوں کا برا حال، پانی گھروں میں داخل
Dear All, it is extreme rain today, the Hub Dam has already overflow.Take special care, don t take this rain as fun, Karachi is not capable to deal with it. Stay Indoors, Stay Safe, take care of all people around you ..ALLH pak sab ko apni amaan mey rakhay ameen
— Faysal Quraishi (@faysalquraishi) August 27, 2020
اداکار فیصل قریشی نے لکھا کہ کراچی میں مسلسل بارش ہورہی ہے، حب ڈیم اوور فلو ہو چکا ہے، براہِ مہربانی اس بارش کو مذاق نہ سمجھیں اپنا اور اپنے لوگوں کا خیال رکھیں۔
انہوں نے دعا کرتے ہوئے کہا کہ اللہ ہمیں اپنے حفظ و امان میں رکھے۔
Halaat aisey hi rahey tu Khi army k nae Navy k hawaley karna parjayega !#KarachiSinks #KarachiRain #KarachiFlooded
— Muneeb Butt (@muneeb_butt9) August 25, 2020
اداکار منیب بٹ نے لکھا کہ اگر کراچی میں یہی صورتحال رہی تو شہر کو فوج کے نہیں بلکہ نیوی کے حوالے کرنا پڑے گا۔
1. ہمارے پاس شہر کا mandate ضرور ہے مگر اٹھارویں ترمیم کے بعد شہر کے انتظامات صوبائی حکومت کی ذمہ داری ہے۔
— Muneeb Butt (@muneeb_butt9) August 27, 2020
2. این ایف سی ایوارڈ میں صوبے کا جو حصہ مقرر ہے ہمیں وہ نہیں دیا جارہا اس لئے شہر میں کام کرنے سے قاصر ہیں۔
3. میرے پاس شہر کے گٹر کا ڈھکن بدلنے کا بھی اختیار نہیں۔
ایک اور ٹوئٹ میں انہوں نے موجودہ حکومت پر بھی شدید تنقید کی۔
اداکارہ ارمینہ خان نے لکھا کہ کراچی سے موصول ہونے والی تصویریں اور ویڈیوز دیکھ کر دل ڈوب رہا ہے، کراچی کی صورتحال پریشان کُن ہے۔
انہوں نے لکھا کہ متعدد شہری اپنے گھروں اور سامان سے محروم ہوگئے ہیں، میں متاثرین کے غم میں برابر کی شریک ہوں۔
Images and videos coming out of Karachi are so heartbreaking. So many families have/will lose their homes and their livelihoods. My heart goes out to all the affected. Please stay safe
— Armeena (@ArmeenaRK) August 27, 2020
اداکارہ اُشنا شاہ موسلادھار بارش کے بعد کراچی کی صورتحال دیکھ کر پریشان ہوگئیں۔
سوشل میڈیا سائٹ ٹوئٹر پر اداکارہ نے لکھا کہ انہیں بچپن سے ہی بارش کی آواز سننا پسند تھا اور بارش کی آواز سے جاگنا ایک خوشی دیتا تھا۔ کراچی میں مون سون گزارنے کے بعد اُن کے خیالات میں یکسر تبدیلی آگئی ہے۔ بارش کے دوران کراچی جیسے بڑے شہر کے حالات دیکھ کر دل ڈوب جاتا ہے۔
اداکارہ نے اپنے ٹوئٹ کے آخر میں کراچی والوں کے لیے دعا کرتے ہوئے لکھا کہ اللہ کرے سب کے جان و مال محفوظ رہیں۔ (آمین)۔
Waking up to sound of rain would bring me joy but after staying in khi during monsoon season my heart sinks. May everyone stay safe, May their health and their properties be protected. Aameen.
— Ushna Shah (@ushnashah) August 27, 2020
