لاہور: (ویب ڈیسک)دین اسلام کی خاطر زندگی گزارنے کے لیے پاکستان کی مشہور ماڈل انعم ملک نے ماڈلنگ کے کیریئر کو خبر باد کہہ دیا۔
ماڈل انعم ملک نے اپنے انسٹاگرام اکاؤنٹ پر سٹوری شیئر کی جس میں انہوں نے کہا کہ میرے حجاب پہننے پر آپ سب کے پیار اور حوصلہ افزائی کا شکریہ۔
ماڈل نے کہا کہ لوگ مجھ سے پوچھ رہے کہ آپ نے کیوں ماڈلنگ چھوڑ دی اور حجاب پہننا شروع کر دیا، انشاءاللہ میں اس حوالے سے ضرور بات کروں گی اور آپ سب کو اس سفر کے حوالے سے ضرور بتاؤں گی۔
انعم ملک نے کہا کہ ابھی میں بے شمار نئی چیزوں کو دریافت کر رہی ہوں اور ان سب چیزوں کے لیے مجھے مزید وقت چاہیے۔
یہ بھی پڑھیں: بھارتی اداکارہ ثنا خان کا اسلام کی خاطر شوبز چھوڑنے کا اعلان
ماڈل نے اپنے انسٹاگرام اکاؤنٹ سے تمام تصاویر ڈیلیٹ کر دی ہیں اور اب وہ حجاب میں ہی اپنی تصاویر شیئر کر رہی ہیں۔
علاوہ ازیں انعم ملک نے اپنے انسٹاگرام کے بائیو میں لکھا کہ اور اللہ تعالیٰ جسے چاہتا ہے ہدایت دیتا ہے۔
خیال رہے کہ ماڈل انعم ملک متعدد معروف برانڈز اور ڈیزائنرز کے ساتھ کام کر چکی ہیں اور ان کے شوہر جبران راحیل میوزیکل آرٹسٹ ہیں۔
