لاہور: (ویب ڈیسک) ملکی مشہور سیاحتی مقام مری میں برفباری کے دوران گاڑیوں کے پھنسنے اور شدید سردی میں لوگوں کی اموات ہوجانے پر قوم افسردہ دکھائی دی، وہیں شوبز شخصیات نے دلخراش واقعہ پر افسوس کا اظہار کیا ہے۔
مری میں برفباری کے دوران وہاں سیاحت کے لیے پہنچنے والے ہزاروں لوگ پھنس گئے اور گاڑیوں میں پھنس جانے والے 22 افراد لقمہ اجل بھی بنے۔
برفباری کی وجہ سے گاڑیوں میں پھنس کر زندگی کی بازی ہارنے والے افراد کے اہل خانہ کے ساتھ اظہار ہمدردی کرتے ہوئے متعدد شوبز شخصیات نے حکومت کو بھی آڑے ہاتھوں لیا۔
اداکارہ ارمینا خان نے سماجی رابطے کی ویب سائٹ ٹویٹر پر مری میں جاں بحق ہونے والے افراد کے اہل خانہ سے اظہار ہمدردی کرتے ہوئے لکھا کہ ایسے موسمی حالات کے لیے پہلے سے ہی ٹریفک پلان اور موسم کے حالات بتائے جاتے ہیں اور موسم کو دیکھتے ہوئے مزید منصوبے ترتیب دیے جاتے ہیں۔
Where is the cold weather risk plan to mitigate such risk? This includes regulating traffic and “prepping” infrastructure to receive snowfall with adequate weather warning systems in place. My heart breaks for the families who have lost their loved ones needlessly. #Murree
— Armeena (@ArmeenaRK) January 8, 2022
اداکارہ صبا قمر نے برفباری میں جاں بحق افراد کے اہل خانہ سے اظہار افسوس کرتے ہوئے اموات پر گہرے دکھ کا اظہار کرتے ہوئے اپیل کی کہ وہ کہیں بھی سفر کرنے سے قبل موسم کو دیکھ کر اپنا منصوبہ بنائیں۔
I am heartbroken to see images from Murree. My thoughts and prayers go out to the families who lost their loved ones. Please check travel advisory before traveling in extreme weather conditions
— Saba Qamar (@s_qamarzaman) January 8, 2022
گلوکار علی ظفر نے ٹویٹر پر لکھا کہ مری سے انتہائی افسوسناک خبر آرہی ہے۔ جاں بحق ہونے والوں کیلئے دعا گو ہوں، ان خاندانوں کے لیے بھی دعا گو ہوں جنہوں نے سانحے کا سامنا کیا ہے اور جو اب بھی محفوظ مقام حاصل کرنے کی کوشش کر رہے ہیں۔
Extremely tragic news coming in from #Murree. Prayers for the families who have faced this tragedy and all those still trying to get to safety.
— Ali Zafar (@AliZafarsays) January 8, 2022
اداکار فیصل قریشی نے سانحہ مری پر ٹوئٹ کرتے ہوئے لکھا کہ برائے کرام جاں بحق سیاحوں کے لیے دعا کریں، مری اور گلیات سے تکلیف دہ ویڈیوز موصول ہو رہی ہیں، انتہائی سخت موسمی حالات میں تقریباً 20 سیاح، جن میں خواتین اور بچے بھی شامل ہیں، جاں بحق ہو چکے ہیں۔ جو سیاح وہاں ہیں اللہ ان کی مدد کرے اور انہیں اپنے امان میں رکھے۔
Please pray for departed souls …Receiving sad and disturbing videos of Muree and Galyat. Around 20 people (local tourists) including women and children have died due to extreme weather conditions. Aur jo wahan hain ALLAH pak madad farmaye aur apni amaan mey rakhay ameen
— Faysal Quraishi (@faysalquraishi) January 8, 2022
ٹی وی میزبان وجاہت کاظمی نے بھی مری میں برفباری کےدوران لوگوں کی اموات پر اظہار افسردگی کا اظہار کرتے ہوئے اس مید کا اظہار کیا کہ انتظامیہ وہاں جلد امدادی کام شروع کرے گی۔
Extremely sad to see the loss of lives in #Murree. Hope the government and army complete the rescue operation swiftly to evacuate the stranded tourists.
— Wajahat Kazmi (@KazmiWajahat) January 8, 2022
