لاہور: (ویب ڈیسک) کوک سٹوڈیو سے مقبول اور لیاری سے تعلق رکھنے والے بلوچی گلوکار کیفی خلیل کا گانا ’کہانی سنو‘ عالمی شہرت یافتہ گانوں میں آٹھویں نمبر پر آ گیا۔
کیفی خلیل کا گانا کہانی سنو گلوبل میوزک ویڈیو چارٹس پر آٹھویں نمبر پر آیا ہے۔
کہانی سنو پہلا گانا ہے جو پاکستان کی تاریخ میں گلوبل ٹاپ ٹین میں پہنچا ہے،اس گانے کو یوٹیوب پر 11 کروڑ 40 لاکھ سے زائد مرتبہ دیکھا جاچکا ہے۔
اس حوالے سے گلوکار نے بھی سوشل میڈیا پر پیغام جاری کیا اور اس کامیابی پر اللہ تعالیٰ کا شکر ادا کیا۔
کیفی خلیل نے ٹوئٹ میں لکھا اللہ کا شکر ہے اور میرے تمام مداحوں کا بھی بے حد شکریہ جنہوں نے اتنا پیار اور سپورٹ کیا، ان سب مداحوں کے لیے ڈھیروں پیار اور دعائیں ۔
Thankyou Allah Taala Thankyou so much all for your pure love and support lots of love and prayers for my all fans main humesha shukr guzaar rahunga or koshish karunga ap sub k liye k humesha liktha rahun jo main mehsos karta hon ap sub k liye Love you all my broken homies pic.twitter.com/W2xbnBjQmp
— Kaifi Khalil (@kaifi_khalil) February 26, 2023
گلوکار نے کہا کہ میں آپ سب کا ہمیشہ شکر گزار رہوں گا اور کوشش کروں گا کہ میں جو محسوس کرتا ہوں وہ آپ سب لوگوں کے لیے ہمیشہ لکھتا رہوں ۔
