فلم سٹار ثناء فخر نے شوہر فخرعلی سے خلع لے لی

Published On 31 May,2023 12:18 pm

لاہور: (دنیا نیوز) مشہور فلم سٹار اور اداکارہ ثناء فخر نے اپنے شوہر فخر علی سے خلع لے لی۔

اس سلسلے میں ثناء فخر کی درخواست پر کینٹ یونین کونسل لاہور نے ان کی خلع مؤثر ہونے کا سرٹیفکیٹ بھی جاری کردیا ہے۔

یونین کونسل کے ذرائع نے بتایا ہے کہ 3 مہینے ثناء فخر اور ان کے سابق شوہر فخرامام کو متعدد دفعہ آمنے سامنے بٹھانے کی کوشش کی گئی لیکن صلح کروانے میں کامیابی نہ ہوئی۔

ذرائع نے مزید بتایا کہ ثنا فخر کو لاہور میں ایک گھر ان کے شوہر کی طرف سے دیا گیا تھا، یونین کونسل نے قانون کے مطابق ثناء فخرکی درخواست پر طلاق کا سرٹیفکیٹ جاری کردیا، ثناء اور ماڈل فخر کی شادی 2008 میں ہوئی تھی۔

Advertisement