یمنیٰ کے گلشن میں ایک کروڑ ’پھولوں‘ کا اضافہ

لاہور: (ویب ڈیسک) پاکستان شوبز انڈسٹری کی خوبرو اداکارہ یمنیٰ زیدی انسٹا گرام پر 10 ملین یعنی ایک کروڑ فالوورز ہونے پر خوشی سے جھوم اٹھی اور اپنے فالوورز کو پھولوں سے تشبیہ بھی دے ڈالی۔

فوٹو اینڈ ویڈیو شیئرنگ پلیٹ فارم انسٹاگرام پر سٹوری شیئر کرتے ہوئے مداحوں سے تشکر کا اظہار کیا، انہوں اپنی انسٹا سٹوری میں اپنے چاہنے والوں کے لیے خوبصورت پیغام شیئر کرتے ہوئے لکھا کہ "میرے گلشن میں ایک کروڑ پھولوں کا اضافہ ہو گیا ہے"۔

یمنیٰ زیدی نے اپنی پوسٹ میں لکھا کہ کچھ عرصہ قبل میں نے خوشی کا ایک بیج بویا تھا اور اب میرا گلشن محبت، احترام اور خوشیوں سے بھرا ہے، آپ سب کا بہت شکریہ! اب 10 ملین (1 کروڑ) خوبصورت پھول میرے انسٹا گرام کے گلشن میں ہیں۔

واضح رہے کہ یمنیٰ زیدی کا شمار پاکستان کی صفِ اوّل کی اداکاراؤں میں ہوتا ہے، انہوں نے دل ناامید تو نہیں، پری زاد، صنف آہن، پیار کے صدقے اور یہ رہا دل سمیت کئی مقبول ڈراموں میں اداکاری کے جوہر دکھائے ہیں تاہم ڈرامہ سیریل "تیرے بن" نے انہیں شہرت کی بلندیوں پر پہنچا دیا۔