لاہور: (ویب ڈیسک) ہالی ووڈ کے ایک ہزار سے زائد فنکاروں اور فلم انڈسٹری سے تعلق رکھنے والے افراد نے اسرائیلی فلمی اداروں کے بائیکاٹ کا اعلان کیا ہے۔
بین الاقوامی میڈیا رپورٹس کے مطابق اسرائیلی فلم انڈسٹری کا بائیکاٹ کرنے والوں میں ہالی ووڈ کی معروف شخصیات اولیویا کولمین، آوا ڈو وَرنے، ٹَلڈا سوئنٹن، مارک روفیلّو اور ہدایتکار ایڈَم مَکائے بھی شامل ہیں۔
رپورٹ میں بتایا گیا کہ ایک ہزار سے زائد امریکی فنکاروں نے ایک حلف نامے پر دستخط کئے ہیں۔
حلف نامے میں اس بات کا عہد کیا گیا کہ وہ ایسے اداروں کے ساتھ تعاون نہیں کریں گے جو فلسطینی عوام کیخلاف ’نسل کشی‘ میں ملوث ہیں۔
