تازہ ترین
  • بریکنگ :- خلیج بنگال میں سمندری طوفان "جواد"شدت اختیارکرگیا،بھارتی میڈیا
  • بریکنگ :- ٹرین سروس معطل،اسکول بندکردیئےگئے،بھارتی میڈیا
  • بریکنگ :- سمندری طوفان آندھراپردیش کےساحل سےآج ٹکرانےکاامکان،بھارتی میڈیا
  • بریکنگ :- کچھ علاقوں میں سمندری طوفان کی وارننگ جاری،بھارتی میڈیا

انڈر ورلڈ ڈان چھوٹا راجن کی کورونا سے موت کی خبریں جعلی قرار

Published On 07 May,2021 07:41 pm

نئی دہلی: (ویب ڈیسک) بھارت کے انڈر ورلڈکے ڈان چھوٹا راجن کے بارے میں خبریں آ رہی تھیں کہ وہ کورونا وائرس کی وباء کے باعث انتقال کر گئے ہیں تاہم یہ خبریں جعلی نکلیں۔

غیر ملکی میڈیا کے مطابق گزشتہ روز چھوٹا راجن کی کورونا سے موت کی خبریں سامنے آئی تھیں اور دیکھتے ہی دیکھتے یہ خبر بھارت میں پھیل گئی تھی۔

تاہم اب حکام نے انڈر ورلڈ ڈان کی موت کی خبر کو من گھڑت قرار دیا ہے۔ آل انڈیا انسٹیٹیوٹ آف میڈیکل سائنسز (ایمز) نئی دہلی نے بتایا کہ چھوٹا راجن زندہ ہیں اور ہسپتال میں زیر علاج ہیں۔

ایمز کے مطابق 61 سالہ چھوٹا راجن میں کورونا علامات کے بعد ٹیسٹ کیا گیا جو کہ مثبت آیا جس پر انہیں 26 اپریل کو ہسپتال منتقل کیا گیا۔

ہسپتال حکام نے بتایا کہ چھوٹا راجن عارضہ قلب سمیت مختلف بیماریوں کا شکار ہیں۔

خیال رہے کہ چھوٹا راجن کو 2015 میں بالی سے گرفتار کیا گیا تھا اور وہ اس وقت سے دلی کے بدنام زمانہ تہاڑ جیل میں قید ہیں۔