خلاصہ
- حیدرآباد: (ویب ڈیسک) سوشل میڈیا پر وائرل ہونے والی ایک ویڈیو میں بتایا گیا ہے کہ نیبولائزر کو آکسیجن سلنڈر کے متبادل کے طور پر استعمال کیا جا سکتا ہے، طبی ماہرین نے اس کی سختی سے تردید کرتے ہوئے کہا کہ نیبولائزر آکسیجن پیدا نہیں کرتا، ایسا کرنا انتہائی خطرناک ہو سکتا ہے۔
رپورٹ کے مطابق بھارت بھر میں ان دنوں آکسیجن سلنڈرز کی کمی کے سبب کورونا مریضوں کی دھڑا دھڑ ہلاکتیں ہو رہی ہیں، مودی حکومت صورتحال پر قابو پانے کی بجائے لاچار دکھائی دیتی ہے۔ اس صورت حال میں چند ناعاقبت اندیش انسانی زندگیوں کو درپیش خطرناک ترین صورتحال کے باوجود افواہیں اڑانے سے باز نہیں آ رہے۔
He is Dr Alok from Sarvodaya Hospital Faridabad.He has shown an excellent technique using ‘nebuliser’ to improve the levels of blood oxygen level. In today s scenario of Oxygen crisis this can save lives of many. Request everyone to watch it once.
— Awanish Sharan (@AwanishSharan) April 23, 2021
(Shared as received) pic.twitter.com/P5F6o5w5rK
بھارت ہی کے ایک نام نہاد میڈیکل پریکٹیشنر نے سوشل میڈیا پر ایک ویڈیو شیئر کی ہے جس میں آکسیجن سلنڈر نہ ملنے کی صورت میں نیبولائزر استعمال کرنے کی صلاح دی ہے۔ سیدھے سادے لوگ بھی مستند ڈاکٹر کی رائے لئے بٖغیر یہ ویڈیو دھڑا دھڑ شیئر کر رہے ہیں۔
طبی ماہرین نے خبردار کرتے ہوئے کہا ہے کہ نیبولائزر کا آکسیجن کے متبادل کے طور پر استعمال قطعا درست نہیں۔ ان کا کہنا تھا کہ نیبولائزر کو صرف دمے میں مبتلا مریض ہوا کے راستے کی رکاوٹ دور کرنے اور دم گھٹنے سے محفوظ رہنے کیلئے استعمال کرتے ہیں۔ اس سے آکسیجن پیدا نہیں ہوتی، دانستہ طور پر استعمال کرنا مریض کیلئے خطرناک نتائج کا حامل ہو سکتا ہے۔
