تازہ ترین
  • بریکنگ :- اوپن مارکیٹ میں ڈالرکی قدرمیں 50 پیسےکمی
  • بریکنگ :- اوپن مارکیٹ میں ڈالر 208 روپےپرپہنچ گیا
  • بریکنگ :- انٹربینک میں ڈالر کی قدرمیں 46 پیسےاضافہ
  • بریکنگ :- انٹربینک میں ڈالر 207 روپے 94 پیسےپربند

تمام بڑے ہسپتالوں کو کورونا ویکسین خریدنے کی اجازت

Published On 17 February,2021 10:09 am

لاہور:(روزنامہ دنیا )ملک کے تمام بڑے رجسٹرڈ ہسپتالوں کو کورونا ویکسین خریدنے کی اجازت دے دی گئی، ویکسین کمرشل مارکیٹ میں فروخت کرنے کی اجازت نہیں ہوگی۔

میڈیا رپورٹ کے مطابق ڈسٹری بیوٹر کمپنی نے لاہور سمیت ملک کے 10سے زائد بڑے ہسپتالوں کی بکنگ مکمل کرلی ،پہلی کھیپ حکومت پاکستان کو65سالہ بزرگ شہریوں کیلئے مارچ2021میں فراہم کرے گی۔ڈرگ ریگولیٹری اتھارٹی پاکستان کے ایس آر او 33/(1)2021کے مطابق کوئی بھی ڈرگ ہول سیلررجسٹرڈ کمپنی پاکستان میں6ماہ تک کورونا ویکسین درآمد کرسکتی ہے جس کی کسی کمرشل میڈیکل سٹور پر بیچنے کی اجازت نہیں ہوگی، پاکستان میں روس کی کورونا ویکسین منگوانے کیلئے علی گوہر اینڈ کمپنی کے روس کی سپوتنک (وی) ویکسین منگوانے کے لئے مفاہمتی یادداشت پر دستخط ہوچکے ہیں۔

ڈرگ ہول سیلر انڈسٹری علی گوہراینڈ کمپنی پنجاب اور کے پی کے ہیڈ آف سیلز نوید نے دنیا سے گفتگو کرتے ہوئے کہا ہے کہ پہلے مرحلے میں بزرگ شہریوں کے لئے حکومت کو50ہزار ویکسین کی سپلائی دی جائے گی تاکہ ملک کے غریب شہریوں کو ویکسین کا سلسلہ شروع ہوسکے۔ ڈریپ کے لیٹر کے مطابق ویکسین صرف رجسٹرڈ ہسپتالوں اور ویکسی نیشن سنٹروں کو دی جائے گی،اگر کوئی ہسپتال بکنگ کرواتا ہے تو ہمیں4سے 6ہفتے سپلائی کیلئے درکار ہوں گے ، لاہور سمیت ملک کے 10سے زائد بڑے ہسپتالوں کی بکنگ ہوچکی ہے ۔ ابھی تک پاکستان کے اندر ہمارے علاوہ کوئی اس ویکسین کا ڈسٹری بیوٹر نہیں ہے جو بھی سپلائی ہوگی وہ ہم ہی دیں گے ، ہم ڈریپ کی اجازت کے بغیر کسی ہسپتال یا انسٹیٹیوٹ کو کورونا ویکسین دینے کے مجاز نہیں ہیں اور نہ ہی یہ رجسٹرڈ ہسپتالوں کے علاوہ کہیں لگائی جائے گی۔ ویکسین کومنفی 18 ڈگری پر رکھنا ضروری ہے۔

دوسری جانب دنیا ذرائع کے مطابق کورونا ویکسین کیلئے بیشتر بڑے نجی ہسپتالوں نے بکنگ کا آغاز کردیا ہے ، یہ 10ہزار روپے سے زائد میں فروخت کی جائے گی،ذرائع کا کہنا ہے کہ مارچ2021میں ہسپتالوں کے ذریعے کورونا ویکسین کو کمرشلائز کیا جائے گا۔