تازہ ترین
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں

بلوچستان حکومت نجی آکسیجن پروڈیوسرکمپنی کی اڑھائی کروڑ کی مقروض نکلی

Published On 24 April,2021 04:43 pm

کوئٹہ: (دنیا نیوز) بلوچستان حکومت نجی آکسیجن پروڈیوسرکمپنی کی اڑھائی کروڑ کی مقروض نکلی، کمپنی انتظامیہ کا کہنا ہے کہ 8 ماہ سے حکومت نے ادائیگی نہیں کی، اگر ادائیگی نہیں کی تو آکسیجن کی فراہمی مشکل ہو جائے گی۔

کوئٹہ میں موجود ایک نجی آکسیجن پروڈیوسرکمپنی جو شہر کے سرکاری ہسپتالوں کو آکسیجن فراہم کرتی ہے، حکومت بلوچستان اس نجی کمپنی کی اڑھائی کروڑ کی مقروض ہے۔

انتظامیہ کا کہنا ہے کہ 8 ماہ سے ادائیگی نہیں کی جا رہی ایسا ہی رہا تو آکسیجن فراہم کرنا مشکل ہو جائے گا، سول ہسپتال میں آکسیجن سلنڈر کی یومیہ ضروت 50 سے بڑھ کر 100 ، فاطمہ جناح میں آکسیجن سلنڈر کی ضروت 40 سے بڑھ کرڈھائی سو سے تین سو ہوگئی ہے۔ شہر کے 15 نجی ہسپتالوں میں بھی یومیہ دس سلنڈرسے بڑھ کر 60 سے 70 آکسیجن فراہم کئے جارہے ہیں۔

کمپنی حکام کہتے ہیں کہ ائیر پورٹ روڈ پر نجی آکسیجن گیس کمپنی یونٹ کو بجلی کی طویل لوڈشیڈنگ کے باعث بھی مشکلات کا سامنا ہے روزانہ کی آکسیجن سلنڈر کی پیداوار میں 30 فیصد نقصان ہو رہا ہے، جسکی وجہ سے ضرورت کو پورا کرنے کے لئے دیگر شہروں سے آکسیجن منگوانی پڑتی ہے۔