اسلام آباد:(دنیا نیوز) وفاقی ہسپتالوں کے ملازمین کے ہیلتھ رسک الاؤنس کی بحالی پر اتفاق ہوگیا۔
وفاقی وزیر صحت مصطفیٰ کمال سے ملاقات میں وزیرخزانہ نے وفاقی ہسپتالوں کےملازمیںن کے ہیلتھ رسک الاؤنس کی بحالی پراصولی اتفاق کرلیا، ہیلتھ رسک الاؤنس کی منظوری کے لیے وزارت خزانہ وزیراعظم کو سمری ارسال کرے گی۔
ترجمان وزارتِ صحت کے مطابق ہیلتھ رسک الاؤنس کی حتمی منظوری کیلئے وزیراعظم کو سمری بھیجی جارہی ہے، ملازمین کے دیرینہ اور جائزمطالبات پر وزیر خزانہ سے تفصیلی بات ہوئی۔
