پاکستان
خلاصہ
- شیخوپورہ میں موٹر وے پر کار اور ٹرالر میں تصادم سے حساس ادارے کا افسر اپنی بیوی اور بچی سمیت جاں بحق ہوگیا جبکہ حادثے میں دو بچے شدید زخمی ہوگئے۔
شیخوپور: (دنیا نیوز) حساس ادارے کا افسر اکرام اپنے بیوی بچوں کے ہمراہ بذریعہ کار لاہور سے سرگودھا جا رہا تھا کہ فاروق آباد کے قریب کار ٹرالر سے ٹکرا گئی جس سے اکرام، فائزہ اور چھ ماہ کی بچی عشل موقع پر جاں بحق جبکہ دو بچے شدید زخمی ہو گئے۔ موٹر وے پولیس نے جاں بحق اور زخمیوں کو ڈسٹرکٹ ہیڈ کوارٹرز ہسپتال شیخوپورہ پہنچایا جہاں سے بچوں کو سی ایم ایچ لاہور منتقل کر دیا گیا ہے۔ پولیس نے ٹرالر ڈرائیور نصیر مسیح کو گرفتار کر لیا۔
