لاہور: (دنیا نیوز) سابق چینی سفیر سن ویڈونگ نے صدر مسلم لیگ (ن) شہباز شریف کو خط لکھ کر کہا ہے کہ امید ہے آپ دو طرفہ تعلقات کو آئندہ بھی مزید مضبوط کرتے رہیں گے۔
سابق چینی سفیر سن ویڈونگ نے خط میں لکھا کہ پاک چین دوستی ہر مشکل کی گھڑی میں قائم رہی اور زیادہ مضبوط ہوئی۔ خط چین پاکستان کے ساتھ اپنے تعلقات کو بہت زیادہ اہمیت دیتا ہے۔ خوشی ہے کہ ہمارے دو طرفہ تعلقات زندگی کے ہر شعبے میں ہیں۔
خط میں کہا گیا ہے کہ پاک چین تعلقات سیاست اور معیشت سمیت ہر شعبے میں ہیں۔ دو طرفہ کوششوں کی بدولت سی پیک پراجیکٹ میں بہت پیشرفت ہوئی ہے۔
Good to hear from my old friend, former Ambassador of China to Pakistan, Sun Weidong, with such warmth & sincerity. This all-weather strategic partnership is a source of strength for Pakistan. His kind words about my role for CPEC success are heart-warming. I am humbled! -ss pic.twitter.com/EhwKftuIyL
— Shehbaz Sharif (@CMShehbaz) July 23, 2018
شہباز شریف کی جانب سے سابق چینی سفیر سن ویڈونگ کے خط کا شکریہ کہا گیا ہے کہ گرمجوشی اور اخلاص سے بھرا خط ملنے پر خوشی ہوئی۔ پاک چین شراکت داری پاکستان کی طاقت کا راز ہے۔ خط میں سی پیک کیلئے میرے کردار بارے الفاظ نہایت دلکش ہیں۔
