اسلام آباد: (دنیا نیوز) پاکستان تحریکِ انصاف کے چیئرمین عمران خان نے چلاس میں طالبات کے تعلیمی ادارے جلائے جانے کی شدید مذمت کرتے ہوئے کہا ہے کہ بچیوں کے تعلیمی اداروں کو جلانا انتہائی افسوسناک ہے۔
عمران خان کی جانب سے بیان میں کہا گیا ہے کہ ایسا اقدام ناقابلِ قبول ہے، مستقبل میں ایسے واقعات کی روک تھام یقینی بنائینگے، نئے پاکستان میں بچیوں کی تعلیم اور سکولوں کی سیکیورٹی اولین ترجیحات میں شامل ہے۔
خیال رہے کہ چلاس اور دیامر میں شرپسندوں نے 12 گرلز سکولوں میں توڑ پھوڑ کے بعد آگ لگا دی جبکہ بارودی مواد کے دھماکے بھی کیے گئے۔ چلاس شہر میں واقع گرلز سکول رونئی، گرلز سکول تکیہ میں توڑ پھوڑ اور بارودی مواد کے دھماکے کئے گئے جبکہ ہوڈر اور تھور میں واقع گرلز سکول میں علم دشمن عناصر نے آگ لگا دی۔ دیامر کے تحصیل داریل میں گیال گاؤں میں واقع گرلز سکول، تبوڑ میں واقع دو گرلز سکولوں اور کھنبری میں واقع گرلز سکول کو بھی نذر آتش کیا گیا۔
Shocking & condemnable torching of schools in GB, more than half of them girls schools.This is unacceptable & we will ensure security for schools as we are committed to focusing on education, esp girls education which is integral to Naya Pakistan. https://t.co/lSlQDjSkeS
— Imran Khan (@ImranKhanPTI) August 3, 2018
