لاہور: (دنیا نیوز) یونیورسٹی آف ہیلتھ سائنسز نے میڈیکل انٹری ٹیسٹ کے سرکاری نتائج کا اعلان کر دیا، پہلی پوزیشن عثمان احمد نے 1100 میں سے 1082 نمبر لیکر حاصل کی۔
مجموعی طور پر 61900 امیدواروں نے ایم ڈی کیٹ میں حصہ لیا، دوسری پوزیشن علینہ مجاہد نے 1076 نمبر لیکر حاصل کی، تیسری پوزیشن احمد شہروز، محمد واثق وسیم اور صبا ستار نے 1070 نمبر لیکر حاصل کی۔
32648 امیدواروں نے 60 فیصد یا اس سے زائد نمبر لیے، 8912 امیدواروں نے 50 سے 59 فیصد، 8016 امیدواروں نے 40 سے 49 فیصد جبکہ 12324 امیدواروں نے 40 فیصد سے کم نمبر لیے۔ ترجمان یونیورسٹی آف ہیلتھ سائنسزکے مطابق پنجاب کے سرکاری میڈیکل کالجوں میں داخلوں کا شیڈول رواں ہفتے کے آخر میں کر دیا جائے گا۔
