لاہور: (دنیا نیوز) شہباز شریف کا کہنا ہے حکومت پیٹرولیم مصنوعات کی قیمتوں میں ہوشربا اضافہ واپس لے، مہنگائی کے سونامی نے عوام کا جینا مشکل کر دیا، دستخط کرتے وقت عمران خان کے ہاتھ کیوں نہیں کانپتے ؟۔
یاد رہے حکومت نے پٹرول، ہائی سپیڈ ڈیزل 6، 6 روپے جبکہ لائٹ سپیڈ ڈیزل اور مٹی کا تیل 3، 3 روپے لٹر مہنگا کیا جس کے بعد پٹرول 92 روپے 88 پیسے سے بڑھ کر 98 روپے 88 پیسے، ہائی سپیڈ ڈیزل 111 روپے 43 پیسے سے 117 روپے 43 پیسے، مٹی کا تیل 86 روپے 31 پیسے سے 89 روپے 31 پیسے اور لائٹ ڈیزل 77 روپے 53 پیسے سے 80 روپے 53 پیسے فی لٹر ہو گیا۔
حکومت پٹرول اور ڈیزل کی قیمتوں میں ہوشربا اضافہ واپس لے۔ مہنگائی کے سونامی نے پاکستانی عوام کا جینا مشکل کر دیا ہے۔ قیمتوں میں اضافے کے آرڈر پر دستخط کرتے ہوئے عمران خان کے ہاتھ کیوں نہیں کانپتے!
— Shehbaz Sharif (@CMShehbaz) April 1, 2019
آئل اینڈ گیس ریگولیٹری اتھارٹی نے قیمتوں میں اضافے کی سمری تیار کر کے پٹرولیم ڈویژن کو ارسال کی تھی جس میں پٹرول 11 روپے 92 پیسے، ہائی سپیڈ ڈیزل 11 روپے 17 پیسے، مٹی کا تیل 6 روپے 65 پیسے اور لائٹ ڈیزل 6 روپے 50 پیسے فی لٹر مہنگا کرنے کی تجویز دی گئی تھی۔
