کراچی: (دنیا نیوز) بلاول بھٹو کا کہنا ہے وزیراعظم سوچتے ہیں کہ جرمنی اور جاپان کا مشترکہ بارڈر ہے، کتنا شرمناک ہے، آکسفورڈ میں کرکٹ کے بل بوتے پر ملنے والے داخلوں سے ایسا ہی نتیجہ نکلتا ہے۔
وزیراعظم عمران خان کے ایران میں خطاب پر بلاول بھٹو نے طنز اور تنقید سے بھرپور ٹویٹ کر دیا۔ انہوں نے کہا کہ ہمارے وزیراعظم سوچتے ہیں کہ جرمنی اور جاپان کامشترکہ بارڈر ہے، کتنا شرمناک ہے کہ آکسفورڈ یونیورسٹی کس طرح سے ایسے لوگوں کو لے لیتا ہے کیونکہ وہ کرکٹ کھیل سکتے ہیں، جبکہ کرکٹ کی بنیاد پر آکسفورڈ میں داخلہ ملے گا تو ایسا ہی ہوگا۔
our Prime Minister thinks that Germany & Japan share a border. How embarrassing, this is what happenes when you @UniofOxford let people in just because they can play cricket. https://t.co/XJoycRsLG9
— BilawalBhuttoZardari (@BBhuttoZardari) April 23, 2019
ادھر مشیر وزیراعظم افتخاردرانی نے بلاول بھٹو کے ٹویٹ پر جواب دیتے ہوئے کہا حادثاتی چیئرمین صاحب، عمران خان نے کہاں کہا کہ جرمنی اور جاپان ہمسایہ ہیں، وزیراعظم نے کہا کہ دونوں ملکوں کے بارڈر پر صنعتی زون بنائے گئے، بلاول وزیراعظم کی بات شاید سمجھ نہیں سکے، عوام کے لوٹے پیسوں سے آپکی آکسفورڈ کی حاصل کردہ ڈگری بھی ضائع ہو گئی۔
