مکہ مکرمہ: (روزنامہ دنیا) پاکستانی شہری نے انعامی رقم کے بجائے حطیم میں نماز پڑھنے کو ترجیح دیدی۔
میڈیا کے مطابق مسجد حرام کی انتظامیہ نے صفائی ستھرائی یقینی بنانے پر پاکستانی شہری کو انعامی رقم دینے کا فیصلہ کیا لیکن اس نے رقم لینے سے انکار کر دیا اور مسجد حرام کی انتظامیہ سے درخواست کی اسے پیسوں کے بجائے حجر اسماعیل (حطیم،جو کعبے کے اندر ہے ) میں نماز پڑھنے کی اجازت دی جائے۔
He was from Pakistan. In the Kaaba, he was voted the most diligent cleaner of the month. They wanted to reward him money but he refused. Instead, he said he wanted to pray in Hijr-Ismail. The doors were closed, Hijr-Ismail was assigned to him and this image transpired. pic.twitter.com/q9fTrbJpfx
— Kaykhusraw (@undersubscribed) May 13, 2019
ٹوئٹر پر تیزی سے مقبول ہوتی تصویر میں دیکھا جا سکتا ہے کہ خانہ کعبہ کی انتظامیہ کی جانب سے حجر اسماعیل کو پاکستانی شہری کیلئے خالی کروا کر خصوصی طور پر دروازے بند کر دئیے گئے تاکہ وہ عبادت کر سکے۔
واضح رہے حطیم یا حجر اسماعیل خانہ کعبہ کے شمال کی طرف ایک دیوار ہے جس کے اوپر طواف کیا جاتا ہے، اس دیوار کے متعلق کہا جاتا ہے کہ وہ خانہ کعبہ میں شامل تھی۔ حطیم شریف کی چوڑائی 30 اِنچ (90 سینٹی میٹر) اور اونچائی 1.5 میٹر (4.9 فُٹ) ہے۔
