پاکستان
خلاصہ
- راولپنڈی: (دنیا نیوز) پاک فوج کے سپہ سالار جنرل قمر جاوید باجوہ نے عیدالفطر لائن آف کنٹرول پر موجود جوانوں کے ساتھ گزاری، ان کا کہنا ہے کہ دفاعی بجٹ میں اضافہ نہ لینے کا فیصلہ قوم پر احسان نہیں، یہ اقدام ہر قسم کے حالات میں یکجہتی کےعزم کا اعادہ ہے۔ بجٹ کٹوتی کو دفاعی صلاحیت پر اثرانداز نہیں ہونے دیں گے۔
پاک فوج کے شعبہ تعلقات عامہ کے مطابق آرمی چیف قمر جاوید باجوہ نےعید لائن آف کنٹرول پر فرائض سر انجام دینے والے جوانوں کے ساتھ گزاری اور نماز عید بھی ان کے ساتھ ہی ادا کی۔ اس موقع پر امن، قومی سلامتی اور استحکام پاکستان کیلئے خصوصی دعائیں کی گئیں۔
“Foregoing routine inc in annual def budget is not a favour to the nation as we are one, through thick & thin. There shall be no impact on our response potential to any threat & quality of life of sldrs. No pay raise decision is also only for the offrs & not for the sldrs”, COAS. pic.twitter.com/ZzBA4O5NTU
— Maj Gen Asif Ghafoor (@OfficialDGISPR) June 5, 2019
آرمی چیف نے اس موقع پر اپنے خطاب میں کہا کہ عید پر فیملی سے دور وطن کا دفاع سپاہی کا فخر ہے، وطن کے محافظوں کی پہلی فیملی قوم پھر گھروں میں موجود اہلخانہ ہیں۔ انھوں نے کہا کہ بجٹ کٹوتی کا فیصلہ قوم پر احسان نہیں، موجودہ حالات کا تقاضا ہے، بجٹ کٹوتی سپاہیوں کے معیار زندگی پر اثر انداز نہیں ہوگی۔ تنخواہ میں اضافہ نہ لینے کا فیصلہ بھی صرف افسران کا ہے، اس فیصلے کا اطلاق جوانوں پر نہیں ہو گا۔
