اناڑی ملک چلائیں گے تو ایسا ہی ہوگا، مریم نواز کا معاشی صورتحال پر ٹویٹ

مریم نواز نے لکھا کہ ملک ایک ایسے شخص کو دے دیا گیا جس کو اس طرح کا کوئی تجربہ نہیں ہے، جب اناڑی ملک چلائیں گے تو اس طرح ہی ہو گا،مفادات کی خاطر بہت زیادہ قیمت ادا کرنی پڑ رہی ہے۔

 

اپنے والد کی صحت بارے ایک اور ٹویٹ میں انہوں نے بتایا کہ نواز شریف صاحب کو بار بار انجائنا کی تکلیف ہو رہی ہے، ذاتی معالج کو ان تک رسائی نہیں دی گئی، جیسے ہی میں نے زیادہ بولنا شروع کیا ویسے ہی انتقامی کارروائیوں میں بھی اضافہ ہو گیا ہے۔ مریم نواز نے کہا کہ اگر یہ جعلی حکومت اب بھی ان کے ڈاکٹر کو ان سے ملاقات کی اجازت نہیں دیتی اور خداناخواستہ مرض بڑھتا ہے تو مسلم لیگ ن کے کروڑوں ووٹروں اور 22 کروڑ عوام کو خبر ہونی چاہیے کہ کس کا گریبان پکڑنا ہے۔

Despite recurring angina, MNS’s cardiologist is not being given access to him. Even today he was made to wait outside jail for 2 hours & sent back without meeting. Shame on Jaali-e-Azam. https://t.co/dIsPPknpIC

— Maryam Nawaz Sharif (@MaryamNSharif) June 27, 2019

مریم نواز کا کہنا تھا کہ آج نواز شریف سے صرف پانچ قریبی رشتہ داروں کو سخت نگرانی میں ملنے کی اجازت تھی جو کہ بنیادی انسانی حقوق کی خلاف ورزی ہے۔ اگر یہ جعلی حکومت کی طرف سے میرے اصولی موقف کا جواب ہے تو وہ سن لے کہ میں خاموش تماشائی نہیں ہوں۔