وزیراعظم عمران خان قانونی اصلاحات سے متعلق اجلاس کی صدارت کر رہے تھے۔ وزیر قانون نے وائٹ کالر جرائم میں ملوث افراد کو جیلوں میں مراعات دینے کی روش کے خاتمے سے متعلق قانون سازی پر بریفنگ دی۔

وزیراعظم نے کہا کوئی بھی معاشرہ عدل وانصاف کے بغیر نہیں چل سکتا۔ انصاف کی فراہمی میں تاخیر بھی انصاف نہ ملنے کے مترادف ہے۔

ان کا کہنا تھا بدقسمتی سے ہمارے معاشرے میں اب بھی خواتین کو ان کے قانونی حق سے محروم رکھا جاتا ہے۔