اسلام آباد: (دنیا نیوز) وزیراعظم عمران خان نے کہا ہے کہ پاکستانی معیشت درست سمت پر چل نکلی، اصلاحات کے ثمرات بھی آنا شروع ہوگئے۔
اپنے ٹویٹ میں وزیراعظم نے کہا پاکستان کی معیشت اقتصادی اصلاحات سے بہتری کی جانب گامزن ہے، پاکستان کاکرنٹ اکاؤنٹ 2019 میں گزشتہ 4 سال کی نسبت بہترین ہے، اکتوبر میں کرنٹ اکاؤنٹ بیلنس پلس 99 ملین ڈالر رہا، ستمبر 2019 میں کرنٹ اکاؤنٹ منفی 284 ملین اور اکتوبر 2018 میں 1280 ملین ڈالر تھا، رواں مالی سال کے پہلے 4 ماہ میں مالی خسارہ 73.5 فیصد تک کم ہوا۔
Pak economy finally heading in right direction as more of our economic reforms bear fruit: Pak s current account turned into surplus in Oct 2019, for first time in 4 yrs. Current account balance was +$99 mn in Oct 2019 compared to -$284 mn in Sept 2019 & -$1,280 mn in Oct 2018
— Imran Khan (@ImranKhanPTI) November 19, 2019
وزیراعظم نے پاکستان کے برآمدکنندگان کو مبارکباد بھی پیش کی اور کہا اکتوبر 2019 کے دوران برآمدات میں 20 فیصد اضافہ ہوا۔ انہوں نے بتایا گذشتہ ماہ کی نسبت اکتوبر 2019 گڈز ایکسپورٹ اور سروسز میں 20 فیصد اضافہ ہوا، گزشتہ برس کی نسبت اکتوبر 2019 میں 9.6 فیصد گڈز ایکسپورٹ میں اضافہ دیکھا گیا۔
For first 4 months of our fiscal year our current account deficit has fallen by 73.5 % compared to same period last fiscal yr. Our exports of goods & services in Oct 2019 rose 20% over previous month and 9.6% over Oct 2018. I congratulate our exporters & encourage them to do more
— Imran Khan (@ImranKhanPTI) November 19, 2019
عمران خان نے ایکسپورٹرز کو بھی مبارکباد پیش کی اور ان کی مزید حوصلہ افزائی کرنے کے عزم کا بھی اظہار کیا۔
