اسلام آباد: (دنیا نیوز) معاون خصوصی برائے اطلاعات فردوس عاشق اعوان نے ن لیگی قیادت کو مخاطب کرتے ہوئے کہا کہ چیف الیکشن کمشنر کو سیاسی دھمکیاں دینا بند کریں، احسن صاحب آپ جس مشن ٹونٹی ٹونٹی پر ہیں وہ پورا نہیں ہونے والا، عمران خان 2018 میں پانچ سالہ سیریزجیت چکے ہیں۔
وزیراعظم کی معاون خصوصی برائے اطلاعات فردوس عاشق اعوان نے ٹویٹر پیغام میں کہا ہے کہ لٹیرا لیگ احسن انداز میں جھوٹ کا اقبال بلند کر رہی ہے، لیگی قیادت کے تمام اکاؤنٹس، کاروبار اور علاج بھی بیرون ملک میں ہے، پناما کی کرپشن اور کالی کمائی کے انبار قوم بھولی نہیں۔
چیف الیکشن کمشنر کو سیاسی دھمکیاں دینا بند کریں۔سپریم کورٹ پرآپ نے حملہ کیا یا بریف کیسوں کی چمک آپ دکھاتے رہے۔آج نئے بھیس میں پھر قوم کو دھوکا دینے کی کوشش کر رہے ہیں۔احسن صاحب آپ جس مشن ٹوئنٹی ٹوئینٹی پر ہیں وہ پورا نہیں ہونے والا۔ عمران خان 2018 میں پانچ سالہ سیریزجیت چکے ہیں
— Firdous Ashiq Awan (@Dr_FirdousPTI) November 22, 2019
معاون خصوصی نے مزید کہا کہ چیف الیکشن کمشنر کو سیاسی دھمکیاں دینا بند کریں، انہوں نے ن لیگ کو مخاطب کرتے ہوئے کہا کہ سپریم کورٹ پرآپ نےحملہ کیا یا بریف کیسوں کی چمک دکھاتے رہے۔ آج نئے بھیس میں پھرقوم کو دھوکا دینے کی کوشش کر رہے ہیں۔
ان کا کہنا تھا کہ احسن اقبال جس مشن ٹونٹی ٹونٹی پر ہیں وہ پورا ہونے والا نہیں، عمران خان 2018 میں 5 سالہ سیریز جیت چکے ہیں۔
