اسلام آباد: (دنیا نیوز) وفاقی حکومت نے چیف الیکشن کمشنر کے لئے تین نام دے دیئے۔ چیف الیکشن کمشنر سردار رضا آج ریٹائر ہو رہے ہیں۔
حکومت کی جانب سے موجود سیکرٹری الیکشن کمیشن بابر یعقوب فتح محمد کا نام دیا گیا، اس کے علاوہ چیف الیکشن کمشنر کے لئے فضل عباس میکن اور عارف خان کے نام بھی شامل ہیں۔
یاد رہے چیف الیکشن کمشنر سردار رضا پانچ سالہ مدت ملازمت مکمل کر کے آج اپنے عہدے سے ریٹائر ہو جائیں گے، چیف الیکشن کمشنر کی ریٹائرمنٹ کے بعد الیکشن کمیشن غیر فعال ہو جائے گا۔ کمیشن کے بلوچستان اور سندھ سے ارکان تاحال تعینات نہیں ہو سکے۔
