لاہور: (دنیا نیوز) رانا ثناء اللہ نے کہا ہے کہ ن لیگ ووٹ کو عزت دو کے بیانیے سے پیچھے نہیں ہٹی، حکومت انتقام کی پالیسی پر گامزن ہے، مخالفین کو چن چن کر نشانہ بنایا جا رہا ہے۔
پاکستان مسلم لیگ نون کے رہنماؤں کے ہمراہ رانا ثںاء اللہ نے پریس کانفرنفس کرتے ہوئے کہا وزیراعظم ہاؤس کسی کی جاگیر نہیں، چاہتے ہیں ان ہاوَس تبدیلی ووٹ کے ذریعے آئے، سکون قبر میں ملتا ہے تو کیا پوری قوم کو قبر میں لٹانا چاہیے، مہنگائی کی وجہ سے سب پریشان ہیں، ووٹ کو عزت دو سے مراد عوامی رائے کا احترام کیا جائے۔
رانا ثناء اللہ کا کہنا تھا موجودہ حکومت کی غربت کے خاتمے کیلئے کوئی پالیسی نہیں، حکومت کے پاس ایک ہی پالیسی ہے جو انتقام ہے، حکومت مخالفین کو انتقام کا نشانہ بنانا چاہتی ہے، حکومت کیا کر رہی ہے سب کو معلوم ہے، انتقام کے باعث حکومت کو مشکلات پیش آ رہی ہیں۔
