اسلام آباد: (دنیا نیوز) وفاقی وزیر سائنس وٹیکنالوجی فواد چودھری نے کہا ہے کہ پاکستان میں بننے والے وینٹی لیٹرز کی پہلی کھیپ آئندہ ہفتے این ڈی ایم اے کے حوالے کر دیں گے۔ جان بچانے والی یہ تمام مشینیں یورپی یونین کے سٹینڈرڈ کے مطابق ہیں۔
وزیر سائنس فواد چودھری کا ٹویٹ میں کہنا ہے کہ ملک میں وینٹی لیٹرز بنانے میں کامیاب ہو گئے ہیں۔ میڈ اِن پاکستان وینٹی لیٹرز کی پہلی کھیپ قومی ادارے کو جلد دے دیں گے۔
Federal Minister for Science & Technology @fawadchaudhry announced the launch of the first #MadeInPakistan ventilators. pic.twitter.com/vhYlrRpHs9
— Ministry of Science & Technology (@MinistryofST) June 28, 2020
ان کا کہنا تھا کہ ڈریپ نے یہ تمام مشینیں یورپی یونین کے سٹینڈرڈ کے مطابق تیار کی ہیں۔ اس کے علاوہ مزید تین ڈیزائن بھی تکمیل کے آخری مراحل میں ہیں جس کے بعد پاکستان جلد ان چند ممالک میں شامل ہو جائے گا، جو پیچیدہ میڈیکل مشینیں بناتے ہیں۔
فواد چودھری کا مزید کہنا تھا کہ 26 فروری کو پہلا کورونا کیس پاکستان میں آیا تب کچھ بھی ملک میں نہیں بنا رہے تھے۔ آج وائرس سے بچاؤ کیلئے حفاظتی سامان میں خود کفیل ہو گئے ہیں۔
