اسلام آباد: (دنیا نیوز) ڈاکٹر فیصل سلطان کو وزیراعظم کا معاون خصوصی برائے نیشنل ہیلتھ سروسز ریگولیشنز اینڈ کوآرڈینیشن مقرر کر دیا گیا ہے۔
پیر کو وزیراعظم آفس کے میڈیا ونگ کی طرف سے جاری بیان کے مطابق ڈاکٹر فیصل سلطان کی تقرری کا حکم فوری طور پر نافذ العمل ہوگا اور ان کا درجہ وفاقی وزیر کے برابر ہوگا۔
اس سے قبل ڈاکٹر ظفر مرزا اس عہدے پر تعینات تھے۔ ان کے مستعفی ہونے کے بعد ڈاکٹر فیصل سلطان کو معاون خصوصی برائے صحت کی ذمہ داری سونپی گئی ہے۔ وہ اس وقت وزیراعظم کے فوکل پرسن برائے کورونا وائرس کے طور پر بھی خدمات انجام دے رہے ہیں۔
Prime Minister has been pleased to appoint Dr. Faisal Sultan as SAPM on National Health Services, Regulation & Coordination with immediate effect. Dr. Faisal Sultan shall hold status of Federal Minister. pic.twitter.com/ZnVUPLcfwC
— Govt of Pakistan (@pid_gov) August 3, 2020
یاد رہے کہ ڈاکٹر ظفر مرزا نے ٹویٹر کے ذریعے اعلان کیا تھا کہ انہوں نے معاون خصوصی برائے صحت کے عہدے سے استعفیٰ دے دیا ہے۔ انہوں نے پاکستان کی خدمت کو اپنے لئے اعزاز قرار دیتے ہوئے کہا تھا کہ میں مطمئن ہوں اور ایسے وقت میں عہدہ چھوڑ رہا ہوں جب ملک میں کورونا وائرس میں کمی آچکی ہے۔
