اسلام آباد: (دنیا نیوز) وفاقی وزیر انسانی حقوق ڈاکٹر شیریں مزاری نے اپنی ٹویٹ میں بتایا ہے کہ اسلام آباد کیپیٹل ٹیریٹری میں چائلڈ ڈومیسٹک لیبر پر پابندی عائد کر دی گئی ہے۔
منگل کو ٹویٹر پر جاری بیان میں ڈاکٹر شیریں مزاری نے کہا کہ گزٹ نوٹیفکیشن کے ذریعہ چائلڈ ڈومیسٹک لیبر پر پابندی عائد کر دی گئی ہے۔ اس فیصلے کی کابینہ پہلے ہی منظوری دے چکی ہے۔
Finally cabinet decision enforced through Gazette notification. Child Domestic Labour proscribed under 1991 Child Employment Act - valid for ICT but provinces can adopt through a simple prov assembly resolution of the same. First time child domestic labour proscribed in Pakistan. pic.twitter.com/f5V4wZ0wdy
— Shireen Mazari (@ShireenMazari1) August 4, 2020
ان کا کہنا تھا کہ بالاخر کابینہ کا فیصلہ گزٹ نوٹیفکیشن کے ذریعے نافذ ہو گیا ہے۔ انہوں نے کہا کہ چائلڈ ڈومیسٹک لیبر ممنوع ہے اور یہ آئی سی ٹی کے لئے موزوں ہے لیکن صوبے بھی اس کو صوبائی اسمبلی میں قرارداد کے ذریعے اپنا سکتے ہیں۔ انہوں نے کہا کہ پاکستان میں پہلی بار بچوں کی گھریلو مزدوری پر پابندی عائد ہوئی ہے۔
