اسلام آباد: (دنیا نیوز) وفاقی وزیر فوادچ چودھری نے اپوزیشن کی آل پارٹیز کانفرنس (اے پی سی) پر تنقید کرتے ہوئے کہا ہے کہ ابو بچاؤ مہم کی اور قسط فلاپ ہو گئی۔
سماجی رابطوں کی ویب سائٹ ٹویٹر پر جاری اپنے بیان میں فواد چودھری کا کہنا تھا کہ میڈیا کی آزادی کا اس سے بڑھ کر اور کیا ثبوت ہوگا کہ نواز شریف کی تقریر براہ راست دکھائی گئی۔
ان کا کہنا تھا کہ کہتے ہیں کہ تیتیس سال ملک میں آمریت رہی لیکن انھوں نے یہ نہیں بتایا کہ ان سالوں میں پندرہ سال وہ خود اس سسٹم کا حصہ رہے اور کٹھ پتلی کے طور پر خدمات سرانجام دیں۔
نوازشریف کی تقریر کا نکتہ یہ ہے اگر میں حکومت میں ہوں تو سب ٹھیک ہےلیکن اگر فوج مجھےحکومت میں لانے کیلئےکردار ادا نہیں کرتی تو وہ ناقابل قبول ہے، فوج اور عدلیہ سے گلہ صرف یہ ہے کہ جب عمران خان اور عوام نے مجھے نکالا تو آپ میرے ساتھ کیوں نہیں کھڑے ہوئے۔
— Ch Fawad Hussain (@fawadchaudhry) September 20, 2020
وفاقی وزیر نے کہا کہ نواز شریف کی تقریر کا نکتہ یہ ہے کہ اگر میں حکومت میں ہوں تو سب ٹھیک ہے لیکن اگر فوج مجھے حکومت میں لانے کیلئے کردار ادا نہیں کرتی تو وہ ناقابل قبول ہے۔
وفاقی وزیر سائنس وٹیکنالوجی کا کہنا تھا کہ فوج اور عدلیہ سے گلہ صرف یہ ہے کہ جب عمران خان اور عوام نے مجھے نکالا تو آپ میرے ساتھ کیوں نہیں کھڑے ہوئے؟
