اسلام آباد: (دنیا نیوز) صدر مملکت ڈاکٹر عارف علوی نے اسلامی تعاون تنظیم کے رکن ممالک پر زور دیا ہے کہ وہ فلسطین میں جاری قتل عام کے متاثرین کو امداد فراہم کرنے کیلئے اقدامات کریں۔
انہوں نے پیر کے روز ایک ٹویٹ میں کہا کہ او آئی سی کے رکن ممالک کو منظم عالمی سیاسی دباؤ ڈالنے کے علاوہ انسانی کاز کیلئے کام کرنا چاہیے۔
صدر مملکت نے پاکستان ہلال احمر پر بھی زور دیا کہ وہ مقبوضہ فلسطینی علاقے کے لوگوں کو طبی ٹیموں، رضاکار، ادویات اور خیموں سمیت ضروری معاونت فراہم کرے۔
Have urged Pakistan Red Crescent @AbrarUlHaqPK to help victims of massacre that is taking place in Palestine. Offer medical teams, volunteers, supplies & tents. I also urge OIC countries, that besides organising international political pressure to spur this humanitarian cause.
— Dr. Arif Alvi (@ArifAlvi) May 17, 2021
اپنی ٹویٹ میں صدر ڈاکٹر عارف علوی نے لکھا کہ میں نے پاکستان ہلال احمر سے فلسطین میں ہونے والے قتل عام کے متاثرین کی مدد کرنے کا کہا ہے۔ میڈیکل ٹیمیں ، رضاکار، سامان اور خیموں کا انتظام کریں۔ او آئی سی کے ممالک بین الاقوامی سیاسی دباؤ کو منظم کرنے کے ساتھ اِنسانی ہمدردی کے فروغ کیلئے بھی کام کریں۔
