تازہ ترین
  • بریکنگ :- اسلام آبادہائیکورٹ کامعاملےکی جوڈیشل انکوائری کاحکم
  • بریکنگ :- عدالت کاوفاقی حکومت کوٹی اوآرزبناکرعدالت میں پیش کرنےکاحکم
  • بریکنگ :- آئی جی اسلام آبادشیریں مزاری کوسیکیورٹی فراہم کریں،عدالت
  • بریکنگ :- اسلام آبادہائیکورٹ کےحکم پرشیریں مزاری کورہا کردیاگیا
  • بریکنگ :- شیریں مزاری کاموبائل فون ودیگرچیزیں انہیں واپس کردی گئیں
  • بریکنگ :- اسلام آباد:شیریں مزاری گرفتاری کیس،سماعت 25مئی تک ملتوی

حفاظتی تدابیر پر عمل کر کے ہی ڈیلٹا وائرس پر قابو پایا جاسکتا ہے: مرتضیٰ وہاب

Published On 03 August,2021 02:41 pm

کراچی: (دنیا نیوز) مرتضیٰ وہاب نے کہا ہے کہ حفاظتی تدابیر پر عمل کر کے ہی ڈیلٹا وائرس پر قابو پایا جاسکتا ہے، پی ٹی آئی والے صرف تنقید کرتے ہیں، یہ خود کام کرتے ہیں نہ کرنے دیتے ہیں۔

ترجمان سندھ حکومت مرتضیٰ وہاب نے نیوز کانفرنس کرتے ہوئے کہا کہ کراچی میں ویکسی نیشن سینٹرز پر لوگوں کا رش ہے، کل دو لاکھ 22 ہزار افراد نے ویکسین لگوائی، لوگ بڑے پیمانے پر ویکسین لگوانے کیلئے گھروں سے نکل رہے ہیں، مختلف صنعتوں، مراکز میں ویکسی نیشن سینٹر قائم کر رہے ہیں، ماسک اور ویکسی نیشن سے ہم وبا پر قابو پاسکتے ہیں۔

مرتضیٰ وہاب کا کہنا تھا کہ ایس او پیز پر عمل سے ہی کورونا پر قابو پاسکتے ہیں، سندھ میں لاک ڈاؤن کے فیصلے پر تنقید کی گئی، ہم نے وفاق کے سیاحتی مقامات کھولنے کے فیصلے کی مخالفت کی، بروقت فیصلہ سازی سے صورتحال پر قابو پایا جاسکتا ہے، لوگوں کو جان کی نہیں، سم بند ہونے کی پرواہ ہے۔