اسلام آباد: (دنیا نیوز) وفاقی حکومت نے دسویں اور بارہویں کلاس کے تمام طلبا کو پاس کرنے کا فیصلہ کر لیا ہے۔
وفاقی وزارت تعلیم نے سماجی رابطے کی ویب سائٹ ٹوئٹر پر بیان میں کہا کہ وفاقی وزیر تعلیم شفقت محمود کے زیر صدارت بین الصوبائی وزرائے تعلیم کانفرنس کا اجلاس ہوا جہاں کورونا کی صورت حال، نئے تعلیمی سال کا آغاز، سیکنڈری اور ہائر سیکنڈری کے سال میں دو امتحانات، خیبر پختونخوا اور پنجاب میں یکساں قومی نصاب کے نفاذ اور پروموشن پالیسی پر غور کیا گیا۔
وفاقی وزیر تعلیم شفقت محمود نے ٹوئٹر پر کہا کہ بین الصوبائی وزرائے تعلیم اجلاس میں فیصلہ ہو ا کہ لازمی مضامین کے نمبر اختیاری مضامین کے اوسط نمبروں پر دئے جائیں گے تاہم جو طلبہ فیل ہوں گے انہیں 33فیصد نمبر دیے جائیں گے تا کہ ان کے نمبروں سے اوسط نکالی جا سکے۔
In the IPEMC it was also decided that to calculate numbers in compulsory subjects the average of elective subjects will be taken. However to facilitate students all those who fail in any subject will be given 33% marks to for the purpose of computing averages.
— Shafqat Mahmood (@Shafqat_Mahmood) September 13, 2021
انہوں نے کہا کہ بین الصوبائی وزرائے تعلیم کانفرنس میں فیصلہ کیا گیا کہ بورڈ کے امتحانات مئی اور جون میں ہوں گے اور اگلا تعلیمی سال 22 اگست سے شروع ہوگا۔ او اور اے لیول کے امتحانات شیڈول کے مطابق ہوں گے جبکہ جامعات امتحانات کے لیے اپنا ٹائم ٹیبل خود بنائیں گی۔ وزرائے تعلیم نے فیصلہ کیا کہ تمام کلاسز کا نصاب اپریل اور مئی تک مکمل کرنے کے امر کو یقینی بنایا جائے گا تاکہ منتخب نصاب کے بجائے مکمل نصاب سے امتحانات لیے جائیں۔
The education ministers decided that every effort will be made to ensure that the entire syllabus for all classes is completed by April/May. Thus there will be no smart syllabus. Exam will be from the entire syllabus https://t.co/AX0TwVs0i8
— Shafqat Mahmood (@Shafqat_Mahmood) September 13, 2021
انہوں نے کہا کہ وزرائے تعلیم کا خیال تھا کہ تعلیم کے شعبے میں وسیع پیمانے پر ویکسینیشن کے بعد تعلیمی اداروں کو جلد کھول دینا چاہیے تاکہ بچوں کے تعلیمی نقصان کم سے کم کیا جا سکے۔ اس ضمن میں این سی او سی کے سامنے تجویز رکھی جائے گی۔
The Education Ministers also felt that since widespread vaccination has taken place in the education sector, educational institutions should reopen as soon as possible. A recommendation to this effect will be made to NCOC.
— Shafqat Mahmood (@Shafqat_Mahmood) September 13, 2021
