اسلام آباد: (دنیا نیوز) وزیراعظم عمران خان کی زیر صدارت امن وامان سے متعلق اہم اجلاس ہوا جس میں امن و امان کی صورتحال ،بارڈر مینجمنٹ پر بریفنگ دی گئی ۔۔
وزیراعظم عمران خان کی زیر صدارت امن وامان سے متعلق اجلاس میں وفاقی وزیر داخلہ شیخ رشید، وزیر خارجہ شاہ محمود قریشی، وزیر دفاع پرویز خٹک وزیر منصوبہ بندی اسدعمر سمیت متعلقہ حکام نے شرکت کی۔ اجلاس میں ڈی جی آئی ایس آئی لیفٹیننٹ جنرل فیض حمید سمیت دیگر سکیورٹی حکام نے بھی شریک تھے۔
اجلاس میں امن و امان کی صورتحال ،بارڈر مینجمنٹ پر غور کیا گیا۔ پاکستان میں سیکیورٹی اداروں کی جانب سے اٹھائے گئے اقدامات پر بریفنگ بھی دی گئی۔ اجلاس میں ملک میں امن و امان کی صورتحال پر مشاورت بھی کی گئی۔
