لاہور: (دنیا نیوز) ڈاکٹر یاسمین راشد نے کہا ہے کہ پنجاب میں ڈینگی کیسز میں کمی واقع ہوئی، فصلوں اور کچرے کو آگ لگانے سے اسموگ بن رہی ہے، گزشتہ سال کورونا کی وجہ سے لاک ڈاؤن تھا جس کے باعث اسموگ نہیں آئی۔
وزیر صحت ڈاکٹر یاسمین راشد نے پاکستان کڈنی اینڈ لیور انسٹی ٹیوٹ کے دورے کے بعد میڈٰیا سے گفتگو کرتے ہوئے کہا کہ نواز شریف کو علاج کی بہترین سہولیات فراہم کیں، ان کا اتنا اچھا علاج کیا کہ ان کے پلیٹلیٹس بڑھ کر 80 ہزار پر چلے گئے، نواز شریف کی نااہلی غلط بیانی کرنے پر ہوئی، نواز شریف علاج کے بہانے باہر گئے، ان کا واپسی کا ارادہ نہیں لگتا۔
