اسلام آباد: (دنیا نیوز) وزیراعظم نے وفاقی وزیر عمر ایوب کو کابینہ نجکاری کمیٹی کے چیئرمین کے عہدے سے ہٹا دیا۔ عمر ایوب کو کابینہ کمیٹی سرکاری ملکیتی اداروں کے چیئرمین کے عہدے سے بھی ہٹا دیا گیا۔ وفاقی وزیر دونوں کابینہ کمیٹیوں کے رکن بھی نہیں رہے۔
وزیراعظم نے کابینہ نجکاری، سرکاری ملکیتی اداروں کی کمیٹوں کی تشکیل نو کر دی۔ نوٹیفکیشن کے مطابق وفاقی وزیر شوکت ترین کابینہ نجکاری، سرکاری ملکیتی اداروں کی کمیٹیوں کے چیئرمین ہوں گے۔ وفاقی وزراء، توانائی، مواصلات، صنعت و پیداوار، وفاقی وزراء قانون، منصوبہ بندی اور نجکاری، وفاقی وزراء توانائی، نجکاری، صنعت و پیداوار کابینہ کمیٹی نجکاری کے ارکان میں شامل ہیں۔
خیال رہے وفاقی وزیر عمر ایوب کو چیئرمین ای سی سی کے عہدے سے بھی ہٹایا جا چکا ہے۔ وفاقی وزیر اقتصادی امور عمر ایوب تینوں کابینہ کمیٹیوں کے چیئرمین تھے۔ شوکت ترین کے مشیر خزانہ کے بننے کے بعد عمر ایوب کو کمیٹیوں کا چیئرمین بنایا گیا تھا۔
