لاہور: (ویب ڈیسک) قومی اسمبلی میں اپوزیشن لیڈر اور پاکستان مسلم لیگ ن کے صدر میاں محمد شہباز شریف نے کہا ہے کہ عوام کو حقیقی تبدیلی کی ضرورت ہے۔
سماجی رابطے کی ویب سائٹ ٹویٹر پر پاکستان مسلم لیگ ن کے صدر میاں محمد شہباز شریف نے لکھا کہ گویا منی بجٹ عوام پر مہنگائی کا بوجھ ڈالنے کے لیے کافی نہیں، پی ٹی آئی حکومت نے پیٹرولیم مصنوعات کی قیمتوں میں اضافہ کردیا۔
ان کا کہنا تھا کہ میری رائے ہے پاکستان کی عوام کو عمران خان کی تبدیلی کی تباہ کاریوں سے بچانے کے لیے حقیقی تبدیلی کی ضرورت ہے۔
As if the mini budget is not enough to burden people with price hike, the PTI government has increased the prices of petroleum products. It is my considered opinion that Pakistan needs a real change to save the citizens from the ravages of Imran Khan s Tabdeeli.
— Shehbaz Sharif (@CMShehbaz) January 1, 2022
اس سے قبل قائد حزب اختلاف نے کہا تھا کہ پٹرول بم پھینکنے سے بہتر تھا عمران نیازی استعفی دے دیتے۔
قائد حزب اختلاف و صدر پاکستان مسلم لیگ نون شہباز شیرف نے پٹرولیم مصنوعات مہنگی ہونے پر ردعمل دیتے ہوئے کہا کہ حکومت کو عوام کی سال نو پر خوشی بھی برداشت نہیں ہوئی، معاشی تباہی سے بچانے کیلئے ظالم حکومت سے نجات پانا ہوگی۔
