راولپنڈی: (دنیا نیوز) غلام سرور خان نے کہا کہ اپوزیشن الگ الگ مارچ کی تاریخیں دے رہی ہے، مولانا کے کہنے پر کسی نے استعفیٰ دیا نہ ہی لیا، ساڑھے تین سال سے عدم اعتماد کی باتیں ہو رہی ہیں۔
وفاقی وزیر ہوا بازی غلام سرور خان نے میڈیا سے گفتگو کرتے ہوئے کہا کہ اس وقت دو ایشوز بڑے ہیں، ایک تحریک عدم اعتماد اور دوسرا اپوزیشن کے لانگ مارچ، حکومت میں سارے وزیروں نے اپنے اپنے ہدف مقرر کئے، وزیروں کو ان کی کارکردگی پر ایوارڑز ملے، اپوزیشن میں نہ کسی نے استعفی دیا نہ کسی نے استعفٰی لیا۔
غلام سرور خان کا کہنا تھا کہ دھرنے کا اعلان پی ڈی ایم اور پیپلزپارٹی دونوں نے کیا، ان دھرنوں سے کچھ حاصل نہیں ہونا سوائے لوگوں کو تکلیف ہوگی، دھرنوں کا نٹ شل کچھ نہیں ہوگا، وزیر وزیراعظم نے کل اعلان کیا لائیں تحریک عدم اعتماد، اپوزیشن صرف بے یقینی کی فضا قائم کرنا چاہتی ہے۔
