کراچی: (دنیا نیوز) کراچی کی جوبلی مارکیٹ میں آتشزدگی کے سبب شعلوں نے دوسری منزل تک کو اپنی لپیٹ میں لے لیا۔ فائر بریگیڈ عملے کی کارروائی آگ پر بروقت قابو پالیا گیا۔
کراچی کے علاقے صدر میں واقع جوبلی مارکیٹ میں آتشزدگی مبینہ طور پر شارٹ سرکٹ کے باعث ہوئی ۔ فائر بریگیڈ حکام کے مطابق آگ پر مکمل طور پر قابو پالیا گیا ۔ چار فائر ٹینڈرز نے آپریشن میں حصہ لیا۔ آتشزدگی کے واقعے میں کوئی جانی نقصان نہیں ہوا۔
آگ نچلی منزل کی دکانوں میں لگی اور دوسری منزل تک جا پہنچی ۔ ریسکیو آپریشن میں رہائشیوں کو دوسری منزل سے تیسری منزل پر منتقل کیا گیا جبکہ پہلی منزل سے ریسکیو کر کے باہر نکالا گیا ۔
