اسلام آباد: (دنیا نیوز) پی ٹی آئی رہنما فواد چودھری نے کہا ہے کہ اگر شہباز شریف نے الیکشن کی تاریخ نہ دی تو انہیں گھر بھیجنا پڑے گا اس کیلئے تیاری مکمل ہے۔
پاکستان تحریک انصاف کے رہنماء فواد چودھری نے سماجی رابطے کی ویب سائٹ ٹوئٹر پر بیان جاری کرتے ہوئے کہا ہے کہ پی ٹی آئی کوملک کے معاشی حالات پر شدید تشویش ہے، پاکستان پر مسلط کئے گئے نااہل حکمرانوں کے ہاتھ سے معاملات نکل چکے ہیں۔
ملک کے معاشی حالات پر شدید تشویش ہے، سمجھ سے باہر ہے نااھلوں کا ٹولہ جو پاکستان پر مسلط کیا گیا معاملات ان کے ہاتھ سے نکل گئے ہیں سیاسی حل کی کوشش ہے لیکن ہمارے پاس وقت زیادہ نہیں ہے اگر شہباز شریف نے الیکشن کی تاریخ نہ دی تو انھیں گھر بھیجنا پڑے گا اس کی ہماری تیاری مکمل ہے
— Ch Fawad Hussain (@fawadchaudhry) July 20, 2022
اُنہوں نے کہا اب ن لیگ کے وزیر بوکھلاہٹ میں اول فُول بول رہے ہیں ان کو نظرانداز کرنا بہتر ہے، اب بھی چاہتے ہیں معاملہ فہمی کا مظاہرہ کیا جائے۔
فواد چودھری کا مزید کہنا تھا کہ انتخابات کی تاریخ دیں اور الیکشن کے فریم ورک اور نئے الیکشن کمیشن کی تشکیل پر سر جوڑیں۔
